แก๋งปล๋าเต๊าะ

กึ๊ดเถิงยามเมื่อเป๋นขะโยมอยู่วัดพระสิงห์วรมหาวิหาร ของกิ๋นตี้ไปซื้อกิ๋นของป้าข้างวัดเจื่อตี้สุด คือ แก๋งปล๋าเต๊าะ
กิ๋นกั๋บเข้าหนึ้งค็ลำ กิ๋นกั๋บเข้าหุงค็ลำ น้ำแก๋งมันหนั๋ว หีบกำหอมสั๊พป๊ะเครื่อง ^^

ส่วนผากอบ

๑. ปล๋าเต๊าะ
๒. บ่ะเขือส้ม
๓. ใบโหระพา
๔. ใบบ่ะขูด
๕. พริกแดง

เครื่องแก๋ง

๑. พริกแต้ดิบ
๒. ข่า
๓. จั๊กไค
๔. หอมเตียม
๕. หอมบั่ว
๖. ฮากผักป้อม
๗. เปลือกบ่ะขูด
๘. กะปิ

ต๋ำเครื่องแก๋งตึงหมดหื้อมันเหลือกๆ ตั้งหม้อน้ำมันใส่หอมเตียมตุ๊บเจี๋ยวฆ่าแม่น้ำมัน มอกหอมเตียมเกือบเหลือง
เอาเครื่องแก๋งลงผัดหื้อหอมๆ เอาปล๋าเต๊าะลงผัดหื้อมอกปอสุก บ่ดีกนเจื่อปล๋าจะแหล๋ว เอาป้ากปิ้นปล๋าไปๆมาๆเอาค็ได้ เมินไหนปิ้นเตื้อ
ปล๋าย้าวดีละบ๋อเอาน้ำล้างครกใส่เข้าไป เติมน้ำลงไปแถมหื้อมันมอกท่วมปล๋า ละไว้หื้อน้ำเดือดปุ้งจะลั่นๆหั้น จากนั้นใส่บ่ะเขือส้ม พริกแดง
ละไว้มอกบ่ะเขื๋อส้มสุกสักหน้อย อ่อยใบบ่ะขูด ใบโหระพา กนหม้อแก๋งมอกผักยอบนิค็ปอละ ป๋ดลงกิ๋นอุ่นๆฮ้อนๆลำแต้ลำว่า ^^