แก๋งหน่อส้มใส่ปู๋ไข่

วันนี้เป๋นเมนูตี้ออกไทยหน้อยเน้อครับ เพราะว่าไคร่อยากแก๋งหน่อส้มใส่ปู๋ไข่
ลำนักแกเหมือนกั๋นครับเมนูนี้ น้ำแก๋งรสชาติดุเดือด สะใจ๋ กิ๋นแล้วรับรองว่าอึนขึ้นอึนล่อง 5555

แก๋งหน่อส้มใส่ปู๋ไข่ มีอะหยังภ่อง

๑. หน่อส้ม
๒. พริกแดง
๓. ใบบ่ะขูด
๔. ใบโหระพา
๕. ปู๋ไข่ ตั๋วใหญ่ๆ ไข่นักๆ

เครื่องแก๋ง ใส่อะหยังภ่อง

๑. พริกแห้ง
๒. เข้าหมิ้น
๓. จั๊กไค
๔. กะปิ
๕. หน่วยหอมป้อมคั่ว
๖. หอมเตียม
๗. หอมบั่ว
๘. เกลื๋อ
๙. เปลือกบ่ะขูด
๑๐. ฮากหอมป้ม

ตำเคื่องแก๋งหื้อเหลือกๆ จากนั้นตั้งหม้อน้ำมัน เอาเครื่องแก๋งลงจ่าวมอกปอหอม เอาหน่อส้มลงจ่าว
คั่วหื้อหน่อส้มมอกฮ๊วม ใส่น้ำรอหื้อเดือด จากนั้นปู๋ไข่ รอจ๋นปู๋สุก ใส่ใบบ่ะชูด ใบโหระพา
กนไปกันมา ป๋ดหม้อแก๋งลงเลยครับ ตักใส่ถ้วยกิ๋นอุ่นๆฮ้อนๆกับเข้าหุงลำแต้ๆครับ ^^