ไม่ได้เข้ามาตั้งกระทู้นานเลยค่ะ หลังจากที่ยุ่งๆ กับงาน วันนี้เลยขอเอาเมนูที่ทำไว้มาให้ดูค่ะ "ลาบควาย" ของคนเมืองแต้ๆ เจ้า หากิ๋นยากเน้อเจ้าโดยเฉพาะคนที่อยู่กรุงเทพกรุงไทย ไปซื้อกิ๋นต๋ามร้านมันก่อบ่าลำเหมือนยะคนเดียว (เอาไปเอามากล๋ายเป๋นเมืองไปเหียละ ไทยพ่องเมืองพ่องบ่าเป๋นหยังน่อเจ้า ข้าเจ้าอู้ไทยบ่าใค่ถอบมันจ่างผะเลิด ฮ่าๆๆ ฮิ้ว)
วันก่อนไปซื้อจิ้นควายมาเกิ่งกิโลพร้อมเครื่องใน

มีตึงเลือด ตึงเพี้ย ตึงดีขมๆ เจ้า

แยกเครื่องในออกมาล้างก่อนเเจ้า

แล้วแบ่งจิ้นออกเป๋น 2 ส่วน ส่วนหนึ่งเอาไปซอยส้าเจ้า

แหมเกิ่งเอาไปลาบใส่เลือดก้อนลงไปโตยเน้อเจ้า

อันนี้พนักงานลาบจิ้นของข้าเจ้า แถมเป๋นเจ้าของสูตรวันนี้โตเจ้า (อี่ป้อข้าเจ้าเองเจ้า) ลาบไปกรึ๊บไปมันเหมาะขนาด
ลาบก่อแล้ว ซอยก็แล้ว เอามาเปาะกั๋นเลยเจ้า

อุ่ยผักป้อมใบหอม ผักไผ่ หอมด่วน จั๊กไค และก็หอมแดงซอยลงไปเจ้า

ใส่เครื่องลาบ เลือด เพี้ย ดีลงไปสูน กนขลากๆ ได้ออกมาเป๋นลาบสูนส้าจะอีเจ้า

ตักใส่ถ้วยรอเจ้าหมู่มันก่อนเจ้า

ผักกับลาบก่อเซาะเอาต๋ำหมู่ในบ้านมีซะป๊ะซะเป๊ด ผ่อเอาเต๊อะเจ้า

เครื่องในซอยเอาไว้แหน็บกับลาบเจ้า  

อันนี้เมนูแถมพี่ใภ้ยะมากิ๋นโตยกั๋น น้ำพริกฮ้าต๋าแดงกับจิ้นทอด ผ่อผักกับอย่างคึ

และแล้วก็ได้เวลา ลุยละเน้อเจ้า ตึงลาบ ตึงน้ำพริก ลำขนาดเจ้า

ใผน้ำลายปุ๊พ่องละเจ้า วันนี้ขอจบเต้าอี้ก่อนเน้อเจ้าวันหน้าป๊ะกั๋นใหม่เจ้า