ตั้งแต่หน้อยเถิงใหญ่ ข้าค็เกยได้ยินคนเมืองฮ้อง
ของกิ๋นชนิดนี้ว่า ** เข้าหนมเส้น** แล้วกำว่า ** น้ำเงี้ยว **
มันสดจ๋ดลุกตางใดมา ข้าค็ตึงเป๋นงึดเป๋นงง กาว่ามันมีมาแต่ไท้
กาว่าเขาใส่มาตวยหลัง มาวันนี้มันเป๋น เข้าหนมเส้นน้ำเงี้ยว
จะเงี้ยว จะยาง จะขมุ จะอาข่า จะม้ง จะฮ้อ จะลือ จะขึน
จะยอง จะอะหยังค็จั้งมันเทิอะ กันเป๋นว่า เข้าหนมเส้น
ข้าตึงกิ๋นได้บ่ก้าย ยะกิ๋นเจื่อที่สุด รองลงมาค็แก๋งหน่อ

เข้าหนมเส้น กับ ลาบ อู้ซื่อๆข้าเลือกอันใดตึงบ่ลง มักตึงกู้ อิอิ
แต่เข้าหนมเส้นมันกิ๋นได้วันค่ำ ลาบมันกิ๋นได้คาบเดวถ้าบ่าเอาขั้ว

มาเน้อมิตรแก้วสหายคำแห่งข้า มากิ๋นเข้าหนมเส้นตวยกั๋น
อู้เถิงเรื่องเข้าหนมเส้น รุ่นอิแม่ รุ่นแม่อุ้ย นินา เวลาเปิ้นกิ๋นเข้าหนมเส้น
เปิ้นบ่าใช่ก๊าวใส่ปากแล้วมาบลืนตึงหมดเน้อ เปิ้นจะขบเส้น
หื้อมันตกไปในจามเข้าหนมเส้นหั้นถ้าเส้นมันยาว แต่บ่าเดี่ยว
บ้านเฮาเขาหุมขายเข้าหนมเส้นภุ่ย เลยบ่าล่ามหันไผข๋บเส้นเข้าหนมลงจานละ

แม่ญิงเจียงใหม่ ยะอันใดค็เป๋นดีฮัก ขนาดกิ๋นเข้าหนมเส้นยังเป๋นดีฮัก อิอิ