สวัสดีเจ้า วันนี้ฝ้ายจะมา คั่วยอดฟักแก้วใส่ไข่ เมนูง่ายๆ เปลี่ยนไข่คั่วบะดายหื้อมีคุณค่านักขึ้น 👩🏻‍🍳


[ ใครไม่เข้าใจภาษาเหนือ รบกวนดูรูปประกอบนะคะ ]

คือมันเป๋นของกิ๋นเมืองๆ เลยต้องขออนุญาตรีวิวเป๋นคำเมืองเน้อเจ้า

วันก่อนฝ้ายปิ๊กบ้าน แม่เอายอดฟักแก้วหื้อ งามขนาด เก็บจากต้นเลยเจ้า สด บ่มียาฆ่าแมง เลยกึ้ดว่าจะเอายะใดดี พอดีในตู้เย็นมีไข่เจ้า ก่เลยว่า เอามาคั่วดีกว่า ง่ายดี 10 นาทีได้กิ๋นละ 🎃



มาเตรียมคัวก่อนเจ้า

1. ยอดบะฟักแก้ว 1 กำ
2. ไข่ไก่ 3 แก่น
3. น้ำปลา 2 จ้อนโต๊ะ
4. ผงปรุงรสหมู 1 จ้อนชา
5. น้ำมันสำหรับคั่ว

วิธีคั่วยอดบะฟักแก้วเจ้า

1. ปอกผิวยอดบะฟักออกก่อน มันจะได้บ่กายคอ แล้วเอามือมันออกโตยเจ้า


2. ซอยยอดบะฟักแก้วย่อยๆ อันน้อยๆ


3. เอาหม้อขางตั้งไฟ ใส่น้ำมัน 4 จ้อน รอน้ำมันฮ้อน ก่เอายอดบะฟักลงไปคั่วเจ้า


4. ตีไข่ใส่น้ำปลา 2 จ้อน แล้วเอาลงไปคั่วกับยอดบะฟักเจ้า ผัดจนเข้ากั๋น ก่ใส่ผงปรุงรสหมู


5. คั่วต่อไปจ๋นสุก แล้วก่อปิดแก๊สเจ้า


พร้อมเสริฟแล้วเจ้า กิ๋นกับข้าวนึ่งอุ่นๆ ลำขนาด ลำแต้ๆเจ้า


ปล. ขออภัยสำหรับคนที่ไม่เข้าใจภาษาเหนือ อาจจะ งงเด้ งงเด้ สักหน่อย แต่ภาษาเหนือ น่ารักนะคะ เปิ้นฮักตั๋วเน้อ อิอิ 😍