วันสังขานต์ล่อง

        วันพฤหัสบดีที่ 13 เมษายน พ.ศ. 2566 สวัสดีปี๋ใหม่ ขอหื้อผองเพื่อนตึงหลายอยู่ดีมีสุข อยู่ก่อหื้อมีจัย ไปก่อหื้อมีโจคมีลาภ จะไปลืมปัดเป่าแป๋งบ้านทำความสะอาดบ้านเฮือนสะเกล้าดำหัวกั๋นเน่อวันนี้ ตอนเจ้านี้แป๋งลาบไก่..ผัดผักฮ่องเต้น้ำมันหอย..ต้มยำกระดูกอ่อน..ผัดผักกาดขาวใส่ไข่
      วันสังขานต์ล่อง จุดสะโปก บะถบ ยิงปืน ขับไล่เสนียด  หื้อไหลล่องไปกับปู่สังขานต์ ย่าสังขานต์ (ตัวตนของเฮาที่อายุนักขึ้น ตามวัยของสังขาร ควรเริ่มต้นชีวิตใหม่หื้อดี) วันนี้ตี้เจียงใหม่มีพิธีแห่พระพุทธสิหิงค์ และพระสำคัญคู่บ้านคู่เมือง หื้อจาวบ้านได้สรงน้ำสักการบูชากั๋น เพื่อความเป็นศิริมงคลเริ่มต้นปีใหม่ วันเริ่มต้นเอาน้ำใส่สะลุงหดน้ำปีใหม่ รดน้ำดำหัว รดน้ำที่หัวไหล่ ยิ้มแย้มแจ่มใสอวยพรหื้อกั๋น บ่อดีสาดใส่กั๋นเน่อบ่อดี ปี๋ใหม่แล้วขอหื้อโจคดีปีใหม่เน่อเจ้า
      Noohom Ja
        13 / 4 / 66