อวยพรปีใหม่ภาษาเหนือล้านนาครับ

...........เอวัง โหนตุ ดีละ อัจจะในวันนี้ ก็เป๋นวันดี เป๋นวันสะหรี ศุภะมังคะละอันผาเสริฐล้ำเลิศยิ่งกว่าวันและยามตังหลาย บัดนี้สังขารปี๋เก่าก็ล่วงป๊นไปแล้ว ปี๋ใหม่แก้วพญาวันก็มาจุมาจอดมาฮอดมาเถิงแก่บรรดาท่านตังหลาย ที่อยู่ห้องนี้มาเมินแล้วก็ดี ที่อยู่ได้บ่ปอเมินก็ดี  แม่นว่าท่านตังหลายได้ออกปากล้ำกำเหลือ ขึ้นตี้ต่ำ ย่ำตี้สูง ปะมาต๊ะ ด้วย ก๋ายะกั๋มมัง วจี๋กั๋มมัง มะโนกั๋มมัง สังจิตจะ อสังจิตจะก็ดี ต่อกั๋นและกั๋น ก็ขอหื้อทุกท่านได้โปรดอโหสิกรรมแก่กั๋นและกั๋น อย่าได้เป๋นเจ้ากรรมนายเวรกั๋นว่าอั้น แม่นว่าท่านตังหลายจักไปจตุทิสสะ อัฐฐะทิสสะ วันตกวันออก ขอกใต้หนเหนือ ค้าขายลายล่อง ท่องบ้านแอ่วเมือง และอยู่ยังบ้านจองหอเฮือน ดั่งอั้นก็ดีขอจุ่งหื้อจุ่มเนื้อเย็นใจ๋ ภัยยะอย่ามี ตึงเมื่อหลับเมื่อตื่น เมื่อยืนเมื่อนั่งเป๋นตี้รักจ๋ำเริญใจ๋แก่หมู่คนและเตวดาตังหลาย แล้วจุ่งหื้อก้านกุ่งรุ่งเรือง ไปด้วยโภคะ ธนะ ธนัง เข้าของเงินคำ สัมปะติตังหลาย แม่นจักกิ๋นก็อย่าหื้อผลาญ แม่นจักตานก็อย่าหื้อเสี้ยง หื้อมีอายุตีฆาหมั้นยืนยาวนั้น เตี้ยงแต๊ดีหลี

สัพพีติโย วิวัชชันตุ สัพพะโรโค วินัสสะตุ มาเต ภะวัตวันตะราโย สุขี ทีฆายุโก ภะวะ อภิวาทะนะสี ลิสสะนิจจัง วุฒฒาปะจายิโน จัตตาโร ธัมมา วัฒฑันติ อายุ วัณโณ สุขัง พะลัง....

ป.ล.ดัดแปลงจากเพจ "ชุมชนคนล้านนา" ครับ = https://www.facebook.com/Lannanetwork/posts/234447866695014


ภาพประกอบจาก Google

สุขสันต์วันสงกรานต์ทุกๆท่านครับ

พฤษภเสารี