โย โข วกฺกลิ ธมฺมํ ปสฺสติ โส มํ ปสฺสติ โย มํ ปสฺสติ
โส ธมฺมํ ปสฺสติ ฯ

ธมฺมํ หิ วกฺกลิ ปสฺสนฺโต มํ ปสฺสติ มํ
ปสฺสนฺโต ธมฺมํ ปสฺสติ ฯ

ตํ กึ มญฺญสิ วกฺกลิ ฯ

รูปํ นิจฺจํ วา อนิจฺจํ วาติ ฯ

อนิจฺจํ ภนฺเต ฯ

ยํ ปนานิจฺจํ ทุกฺขํ วา
ตํ สุขํ วาติ ฯ

ทุกฺขํ ภนฺเต ฯ

ยํ ปนานิจฺจํ ทุกฺขํ วิปริณามธมฺมํ
กลฺลํ นุ ตํ สมนุปสฺสิตุํ เอตํ มม เอโสหมสฺมิ เอโส เม
อตฺตาติ ฯ

โน เหตํ ภนฺเต ฯ

เวทนา ฯ
สญฺญา ฯ
สงฺขารา ฯ
วิญฺญาณํ นิจฺจํ วา อนิจฺจํ วาติ ฯ

อนิจฺจํ ภนฺเต ฯเปฯ

เอโส เม อตฺตาติ ฯ

โน เหตํ ภนฺเต ฯ

ตสฺมา ติห ฯเปฯ

เอวํ ปสฺสํ ฯเปฯ

นาปรํ อิตฺถตฺตายาติ ปชานาตีติ ฯ

อถ โข ภควา อายสฺมนฺตํ วกฺกลึ อิมินา โอวาเทน โอวทิตฺวา อุฏฺฐายาสนา
เยน คิชฺฌกูโฏ ปพฺพโต เตน ปกฺกมิ ๑ ฯ

ใครแปลพระบาลีที่ผมนำมาได้
ช่วยแปลให้ผมดูได้ไหมครับ