ฟังเพลงนี้แล้วอยากกลับบ้านค่ะ 😭😖😢😣😔 เป็นคนอิสานคือกัน แต่สงกรานต์ปีนี้ไม่ได้กลับเลยค่ะ ฟังแล้วมันไพเราะกินใจ จุก กลืนน้ำลายฝืด น้ำตาสิไหลกะพอปานกัน 😭😭😭😭

คนที่บ้านอยู่กรุงเทพจะบ่ค่อยเข้าใจอารมณ์ความรู้สึกนั้น มีพี่คนนึงเราบอกว่า เราบ่เคยได้มีโมเม้นต์ที่ว่า ล้อหมุน เก็บกระเป๋ากลับบ้านนำเพิ่นจักเทือ เทศกาลกะเฉย ๆ เพราะเราเป็นคนกรุงเทพโดยกำเนิดไง แต่ซุมเฮานี่ตี้!! มันตื่นเต้นน้อ

คำที่ว่ากลับยามใดกะคือกันนั่นล่ะ เข้าใจบ่ว่ามูพวกส่วนหลายเขากลับกันเมิด เทศกาลมันมวน มีห่าว มันมีมู มันตื่นเต้น ไผ ๆ กะรอคอยมานาน ความกลับยามใดกะได้มันกะแมนยู มูเขามาแตกถืด ๆ จะของบ่มา บัดเขาลงมาทำงานจะของมา มันคนละอารมณ์ คนละความรู้สึกเด้ สั้นสิมีคำเว้าว่า กลับสงกรานต์ กลับปีใหม่บ่ แมนบ่สั่น!!!

ประหยัดใช้เอาเด้อเงินทองที่เจ้าหาได้
เก็บไว้หลาย ๆ บ่ต้องส่งให้แม่พ่อหรอกหล่า
แนวใดอยากกินกะกิน เบิ่งแงงจะของบ่ต้องห่วงหา
แม่กับพ่ออยู่ได้เด้อหล่า คือคำห่วงหาแม่บอกลูกสาว

ท่อนนี้คือที่อี่แม่บอกข่อยเลย ฟังแล้วข่อยจุก สิไห้!! อดบ่ได้เลยน้ำตามันไหลแล้วล่ะ นอนฟังคนเดียว ไห้คนเดียว บ่ได้กลับบ้านนำเขา 😭😭😭 จักยากหยัง จักคาหยัง จักมาเฮดหยังอยู่หนิ

แต่เฮาเลือกบ่ได้น้อว่าบ่ เฮาบ่ได้เหมาะสมกับทุกอาชีพ เฮาเลือกบ่ได้หรอกว่าสิเฮดอาชีพหยัง ยามได้กลับกะมีอยู่ แต่ยามบ่ได้กลับมันใจสิขาด โชคชะตามันได้กำหนดขีดไว้แล้ว กะก้มหน้ายอมรับไป

ปีใหม่กะหวังว่าสิได้ลา สิได้กลับคือมูค่ะ มื้อนี่ส่งมอบเพลงเนื้อหาดี ๆ ให้ฟัง มอบให้คนที่บ่ได้กลับบ้านคือกันค่ะ 😭😭😭😖😖