ไฟมา ป่าเป่ง     มดส้มเต้ง ผักหวานโป่ง
เผาจ๋นมันโล่ง    เมื่อใดฝนลง มันโป่งเเน่แน่
เห็ดเฟืองเห็ดโคน  ว่าลำนักแก
มันยังมาเเป้      เห็ดถอบบ้านเฮา

ผักหวานเมืองจันทร์ หันปลูกกั๋นหลาย    เมื่อเอามาขาย ก้านผักบ้านเฮา
เก็บยอดหลังเผา หมู่เฮาฮู้ดี                  ฝนตกปี๋นี้ มีกิ๋นเเน่นอน
มดส้มบนไม้ มันฮู้จักฮ้อน                     ชอบเเป๋งฮังนอน ปื้นหญ้าจายคา
คนเซ๊าะหายาก เลยต้องเผาป่า             ไล่มันขึ้นมา เเป๋งฮังตังบน
ซาววันมาผ่อ มันเต้งเต๋มต้น                 ไม้ซ้าว สิ ก้น ... เต้งล้นออกมา

ไปเซ๊าะล่าสัตว์ ต้องเข้าในป่า     อยู่ตังใดจา ข้าเผาหน่อยลอ
นั่งเฝ้านั่งผ่อ บ่าต้องใจ้เเฮง       จัดเเป๋งเครื่องเเก๋ง แลงนี้ได้เลย
ไฟลามมันฮ้อน หลบนอนบ่าได้  ล่นออกหนีไฟ แนไว้แล้วยิง
ปี๋นี้หญ่านัก จักเผ้วบ่าไหว         ลองจุดฟงไฟ ลามไวเเตกตุ๊บตุ๊บตั๊บตั๊บ

กำว่าจะดับ ใจบอกฟั่งเตื่อ        ฮื้อลามไปเผื่อ เตื่อหน้าแผ้วปลูก
นั่งผ่อไฟลุก งามเเต๊งามว่า       ลูกจายเตวมา ถามป่อยะหยัง...
กำลังเผาป่า แสบต๋าอดเอา      เผาเเลงดับเจ๊า ใผเขาใจ๋หัน

ต้องขอขอบคุณ​ ตี้สูจ่วยกั๋น    เผาป่าเเป๋งควัน หื้อกั๋นกุ๊ปี๋
มาเเผววันนี้ ดีใจ๋จื่นบาน        อันดับทะยาน...จิตใจ๋เบิกบาน 
                  บ้านเฮานั้นดี      ตี้หนึ่งของโลก!!!!

ค้าวฮ่ำกำเมือง......