เพลง ฟ้อนสารคามลำเพลิน
[Spoil] คลิกเพื่อดูข้อความที่ซ่อนไว้
หล่ะจั่งว่าเปิดผ้าม่านกั้ง
แจ้งสว่างสีงามงาม
หล่ะสาวสารคามสิมาลำ
ให้พี่นำมาเด้ออ้าย ให้พี่นำมาเด้ออ้าย
....โอยน้อชาย
คันเหลียวมาแล้ว เป็นทิวแถวผ่าน
คันเหลียวมาแล้ว เป็นทิวแถวผ่าน
สารคามเมืองบ้าน สิพาอ้ายเที่ยวชม
สมใจแล้ว สิพาพี่เซิ่นตาม
มาชมแดนเมืองงาม ตักสิลาเมืองฟ้า
พารากว้าง ใหญ่นามสมซื่อ
ระบือนามยิ่งย่อง พอปานฟ้าเมืองแมน
เข้าเขตแคว้นแดนพุทธมณฑล
มนต์เสน่ห์อีสาน เพิ่นมีมาปางกี้
...สายน้ำชีไหลลอยผ่าน
สาวสารคาม ออกมาฟ้อนลำเพลิน
ยามเดินหล่ะสวยงามแสนเหวิน
ยามเดินหล่ะสวยงามแสนเหวิน
หล่ะมีลีลาดั่งนกผกบิน
นกขมิ้นล่ะโผบินโบกไป
วิจิตรงามแพรไหมมากมี
หันมาพี้ธานีสมซื่อ หันมาพี้ธานีสมซื่อ
ระบือนามเพิ่นเอิ้น เมืองฟ้าหยอนๆ
ออนซอนล้ำเมืองตักสิลา
มหาสารคามให้แวะมาเด้ออ้าย ให้แวะมาเด้ออ้าย

หล่านางเอ้ย...
ซ่างมางามเอาฮ้าย งามหลาย ทุกบาดย่าง
งามบาดฟ้อนเด้นาง ปานว่านกแอ่นน้อย ที่คอยเล่นถลา

ดอกจำปา มาแซมเข้า กับเกล้าผมที่สวยเด่น
เห็นแล้วใจอ้ายเต้น ยามยิ้มพร้อม กะผ่องใส

ใจระทวยแล้วหล่า วาสนา มาซ่างต่ำ
อยากเด็ดดมเด้คนงาม แต่บุญบ่อาจเอื้อม ผลาให้ใส่บุพเพ

ดอกเด้.. นางเอ่ย..

---

วันนี้ขอนำเสนอคำว่า "เซิ่น" จากบทที่ว่า
สมใจแล้ว สิพาพี่เซิ่นตาม
มาชมแดนเมืองงาม ตักสิลาเมืองฟ้า

เซิ่น  คือ จังหวะที่นกกางปีกลอยวนอยู่บนฟ้า โดยไม่ขยับปีกบิน

Cr. ภาพประกอบจาก topicstock
ความหมายคงประมาณ  จะพาพี่เที่ยว"ลั่นล่า" ชมเมืองอะไรประมาณนี้

คือแสดงถึงอารมณ์แบบสบายๆ ชิวๆ