ยำหอยละแง๊บ

ล้านนาฮ้องหอยนี้ว่า ** หอยละแง๊บ **
คนไทยเรียกหอยชนิดนี้ว่า ** หอยกาบ **

ต๋อนปิ๊กเมือบ้านตี้เจียงใหม่คราวก่อนอิป้อเปิ้นเอามายำ
ฮู้สึกว่ารสชาติลำ ออกเหนียวๆมันๆสักหน้อย
วันนี้ตื่นเจ๊าไปแอ่วกาด ใจกึ๊ดไปหาเห็ดถอบ หวังว่าจะมี
แต่บ่มี ตี้มีค็เป๋นเห็ยฝ้ายแก่ๆ ขึ้นชื่อว่าแก่ เห็ดอะหยังค็ตึงบ่ลำ

เลยเตียวแอ่วขว่ายกาด ไปสั๊ดต๋าหันใส่หอยละแง๊บ
ตี้แม่ก๊าเปิ้นเอามาขาย ... กึ๊ดเติงหายำหอยละแง๊บตี้อิป้อยะขึ้นมางาดๆ
เลยเอามาเย ๑ กิโลกรัม ต๋อนมันอยู่ในถุงค็สีจะนัก
บ่ะกอนต้มแล้ว ได้เต้าตี้หันเนี๊ยะครับ ๑ ถ้วย
กันถ้ามีคนถามว่ายำหอยละแง๊บ ยะอย่างใด
ยำจิ๊นไก่อย่างใด ยำหอยละแง๊บค็ยะอย่างอั้นเจ้า
ลองผ่อเทิอะ ยำหอยละแง๊บ ... แง๋บกิ๋นกำหน้อย
ลำเจ๊อะเบ้อ เจ๊อะเบ้อ อิอิ

ลืบบอกไปอย่าง ต๋อนต้มหอย จะไปลืมใส่ใบจั๊กไค
กับ เข้าหมิ้ร เน้อ น้ำต้มมันจะได้บ่คาว หอมสมุนไพรตังสอง ^^