มาเป่าเคราะห์กัน

     วันเสาร์ที่ 25 พฤศจิกายน พ.ศ. 2566  มาเป่าเคราะห์กัน เคราะห์จั๋งไรถ่อยจ๊า เคราะห์ ๑๓ นาม ๑๕ ก่หื้อหนี ตึงเคราะห์ปี๋ เคราะห์เดือน เคราะห์ยาม เคราะห์วัน เคราะห์บ่ดีบ่งามจี้ใส่ เคราะห์น้อยเคราะห์ใหญ่มวลมี เคราะห์ก๋าลีเมื่อหลับเมื่อตื่น เคราะห์เมื่อยืน เมื่อเตียว เคราะห์เมื่อเกี้ยวเมื่อกิ๋น เคราะห์เมื่อคืนบ่หัน เคราะห์เมื่อวันบ่ฮู้ เคราะห์เมื่ออู้เมื่อจ๋า เคราะห์นานาตั๋วกล้า เคราะห์ต่ำจ๊าจดเจื๋อ เคราะห์เหนือเคราะห์ใต้ เคราะห์เมื่อเจ็บเมื่อไข้ เคราะห์วันตกวันออก อยู่ด้าวขอกแดนใดก็ดี ก่อหื้อค้ายหนีไปเหียวันนี้ยามนี้ เคราะห์ดำก่ำกี้ตั๋วกล้า เคราะห์จ๋นหน้าจ๋นหลัง แม่นว่าเคราะห์ตั๋วใดยัง ๑๐๘ อย่าง ก่ออย่าได้ข้องค้างอยู่ในต๋นตั๋ว 
      สัพพะพัตถะ สัพพะตา สัพพะเคราะห์ สัพพะภัยยา สัพพะตุกขา สัพพะโรคา วินาสันตุ เตฯ ชะยะสิทธิ ธะนัง ลาภัง โสตถิ ภาคะยัง สุขัง พะลัง สิริ อายุ จะวัณโณ จะ โภคัง วุฑฒี จ ยะสะวา สะตะวัสสา จะ อายุ จะ ชีวะ สิทธี ภะวันตุเตฯ..โอมเพี้ยง..โอมเพี้ยง...โอมเพี้ยง เสร็จแล้วมาทานก๋วยเตี๋ยวราดหน้าผักรวมกันนะ
      Noohom Ja
      25 /11/ 66