..โอ้เฮาโอ่ ..เฮาโอ้..เฮาโอ..(ซ้ำ)
           (ซ้ำทุกท่อน)
ปะเทดไทกำลังเดือดฮ้อน...(ซ้ำ)
มันเป็นย้อนปะซาทิปัด...
พวกมันขัดไปเหมิดทุกอย่าง...
มันชอบหย่างนำข้างถนน...
เห็นคนจนป่อยหมาเข้าไส่...
เห็นผู่ใหญ่มันบอกหูตึง...
ให้ส่อยดึงมันเฮ็ดเซื่องซ่า...
ชอบอวดถ่าผู้มีหลักการ...
ชอบถะหารปายปืนกะบอก...
คนบ้านนอกหว่าต่ำศึกษา
บ่เป็นราคานั่นคือขายข้าว
มันกะเว้าให้อยู่พอเพียง
มันชอบเถียงบ่เป็นประโยชน์
มันชอบโกรธคนสื่อทักษิณ
คันได้ยินปานปอบผีฟ้า
มันได้แต่อ้าหมาเห่าเขื่องบิน
เรื่องหนี้สินมันเฮ็ดมันสร้าง
งานต่างต่างได้แหน่แต่เสา
เว้าบ่เซายังฟ้องผู้ใหญ่
ให้เผิ่นไส่ลงโทษลงทัณฑ์
แต่หว่ามันบ่ผิดจักเถื่อ
จนคนเบื่อเอียงหลายองศา
เลือกตั้งมามันแพ้ทุกครั้ง
แต่ไปตั้งรัฐฯในค่ายถะหาน
เป็นคนพาลอายุยังน้อย
คนหายจ้อยยังจูงแขนหย่าง
เรื่องบ่ส่างในปีห้าสาม
คนถูกหามเพราะเสียงปืนแตก
ย้อนไปแลกปะชาธิบไต
กะเลยตายไปหลายบ่ข่อย
ตายเป็นร้อยสองพันพิการ
แนวถะหานเสื่อฟังบ่ชอบ
เผิ่นกะลอบเมบเล็งเทิงตึก
เสียงสะอึกหว่าล้มแล้วหมู่
พวกคนอยู่ในกลุ่มประชา
ตายคือหมายย้อนปืนเผิ่นหน่ำ
เซ่าฮอดค่ำยิงหน่ำยิงนี
กลายเป็นผีสังเวยอำนาจ....

มันฉลาดอ้างหว่ากฎหมาย
ผู้ได๋ตายบอกเพราะชุดมืด
มันกะทืดกะถั่งหว่าโจร
เพราะปะซาซนมือถืออาวุด

โอ้เฮาโอ่...เฮาโอ้...เฮาโอ...
รัฐนั่นชุดเพราะผีบ้าผีบอ
มันบ่ขอปองดองน้องผี่
ยังฟ้าวฮี่ห่อหน้าห่อตา
ฟ้าวไปหากากขาวมาใส่
สิมาไหล่นายกใจงาม
ปูคนงามขวัญใจฮากหญ้า
เผิ่นตั้งถ่าจัดหม่องจัดเมือง
ไผขุ่นเคืองมีหยังให้เว้า...

แต่หว่าเจ้าผีปอบปิสิด
ผู้บ่เคยผิดคิดเห็นประโยชน์
มันกะโทดแต่ซุมเสื้อแดง ...
เว้าแผงแผงกูบ่เห็นด้วย
ได้แต่อ่วยไปหาถะหาร
ได้แต่พาลจนโตตกต่ำ
มันนำหย่ำฮอดในสภา
ด้วยวาจาลีลาแปกแปก
ให้แตกแยกเกิดในสังคม

.....โอ้เฮาโอ่  เฮาโอ้  เฮาโอ... (ซ้ำ)
    แต่ขอชมอดีตหัวหน้า
ที่สื่อหว่าชัยรัดตะกุน
ส่อยค้ำจุนบ่ให้ตกต่ำ
เผิ่นฟ้าวห่ำนำสามัคคี
เผิ่นปราณีบ่ถือเด็กน้อย
สู้บ่ถอยเผื่อบ้านเผื่อเมือง
หวังฮุ่งเฮืองคือแต่ก่อนเก่า...

....โอ้เฮาโอ่...เฮาโอ้...เฮาโอ...(ซ้ำ)
ปะซาซนมาโฮมกันแล้ว
แต่หว่าแกวปัดไม้ปัดมือ
เพราะมันคือคนทรราช
ใช้อำนาจฆ่าประชาชน
อีกหลายคนจับยัดเข้าคุก
บ่ให้ลุกขึ้นมาต่อสู้
เรื่องนี่ฮู้นายกคนงาม
พะยายามเอาคนนั้นออก
อยู่ข้างนอกอากาศหายใจ
ให้เป็นไทกลับเนาคืนถิ่น
หาอยู่กินปะสาไทบ้าน.....

......บักหนึ่งยังค้านมันหว่าบ่ดี
ใช้วลีหวังเปลี่ยนระบอบ
ปากออกปอบแท้น้อปิสิด..
ให้มันหวิดคุกเด้อบักหล้า
อย่าเอาแต่ด่าเว้าใหญ่เกินโต...

โอ้เฮาโอ่...  เฮาโอ้..เฮาโอ..
ปะเทดไทกำลังก้าวหน้า
สิตั้งถ่ารถความไวสูง
ให้ซักจูงลงทุนต่างต่าง
แต่บักบ่างยังบ่เอานำ  (อีกแหล้ว)
ความสมควรยกให้
คนหมู่ใหญ่เว้าบ่หัวซา
โอ้ยบักห่า  บักผี  บักปอบ
อยากเอาตีนตอกเต๋แหม่มันไป....แท้เด้......